Релуктанса

Релуктансата е мера на отпорот на материјалот на воспоставување на магнетно поле.

Симболот ѝ е $ℛ$, а единица за релуктанса е ампер-намотка/вебер (An/Wb).

Вредноста на релуктансата е правопропорционална на должината (l) на патот на силовите линии на магнетното поле и инверзно пропорционална на пермеабилноста (μ) и површината на попречниот пресек на материјалот А. Тоа го искажува следната равенка:

$ℛ=\frac{l}{\mu \cdot A}$

Релуктансата во магнетните кола може да се смета како аналогија на отпорот во електричните кола. Единицата за релуктанса може да се изведе користејќи l во метри, А во квадратни метри и μ како што е прикажано:

$ℛ=\frac{l}{\mu \cdot A}$ = $\frac{m}{\frac{Wb}{An\cdot m}\cdot m^2}$ = $\frac{An}{Wb}$

An/Wb е ампер-навивка/вебер.

Пример

Треба да се најде релуктансата на материјал кој има должина 0,05 м, попречен пресек 0,01 м², и пермеабилност од 3.500 {μWb/(An•m):

$ℛ=\frac{l}{\mu \cdot A}$ = $\frac{0,05}{3500\cdot 10^{-6}\cdot 0,01}$ = 1400 An/Wb

Со други зборови, потребно е 1.400 намотки за да се оствари магнетен тек од 1 вебер при овие услови, и струја од 1 А низ намотката.

Поврзано

• Магнетен тек
• Густина на магнетниот тек
• Магнетно поле
• Електрично поле
• Максвелови равенки
• Гаусови закони

Литература

• Principles of Electric Circuits, 7th edition, Thomas I. Floyd, Prentice Hall, ISBN 0-13-098576-7, pp. 386.

Надворешни врски

• За магнетното поле Предлошка:Семарх