Делотворен полупречник

Полусветлосниот полупречник R_e зафаќа половина од вкупната светлина што ја оддава телото.

Делотворен полупречник или полусветлосен полупречник ($R_e$) на галаксија — полупречникот во кој се оддава половината од вкупната светлина на системот. Ова подразбира дека галаксијата има вистинска сферна симетрија или дека има таков изглед гледано од небесната рамнина. за Кај сферно или кружно несиметричните тела би се користела полусветлосна контура или изофота.

$R_e$ е важна скала на должина во де Вокулеровиот закон за $\sqrt[4]{R}$ каде се определува дадена стапка на намалување на површинската сјајност како функција на полупречникот:

$I(R)=I_e\cdot e^{-7,67(\sqrt[4]{\frac{R}{R_e}}-1)}$

каде што $I_e$ е површинската сјајност при $R=R_e$. При $R=0$,

$I(R=0)=I_e\cdot e^{7,67}\approx 2000\cdot I_e$

Така, средишната површинска сјајност приближно изнесува $2000\cdot I_e$.

Поврзано

• Ериев диск
• Елиптична галаксија
• Збиено ѕвездено јато
• Расеано ѕвездено јато
• Функција на ширење на точката
• Серсиков профил