Моном

Дефиниција: Моном е реален број помножен со променливи со степени кои се позитивни цели броеви.

Примери за мономи:

$3x$

$4$

$x{y}^{2}z$

$\frac{2a{b}^2}{3}$

$\pi R^2$

$a{x}^2$

Следните не се мономи:

$x+3$	ова а бином, збир на два мономи
$\frac{3}{x}$	$\frac{3}{x}=3x^{-1}$  , степенот не е позитивен
$\sqrt{x}$	$\sqrt{x}=x^{\frac{1}{2}}$   степенот не е цел број

Друга дефиниција: Моном е алгебарски израз со еден член.
  Оваа дефиниција не е во ред бидејќи е "кружна дефиниција", т.е. при дефинирање на поимот алгебарски израз се користи поимот моном!

Својства на мономи

• Мономот има два делови: коефициент и главна вредност (дел со променливи).
• Степенот на мономот е збирот на степените на делот со променливите.

	Моном	Коефициент	Дел со променлива	Степен на мономот
1	$3x$	3	$x=x^1$	1
2	$4$	4	$1=x^0$	0
3	$x{y}^{2}z$	1	$x{y}^{2}z=x^1{y}^2{z}^1$	4
4	$\frac{2a{b}^2}{3}$	$\frac{2}{3}$	$a{b}^2=a^1{b}^2$	3
5	$\pi R^2$	π	$R^2$	2
6	$a{x}^2$	a	$x^2$	2
Последниот пример 6 е многу „типичен“ пример од математичко образование, каде што честопати се користат букви и за коефициенти и за променливи. Ако во еден израз има и букви од почетокот на азбуката, т.е. a, b, c, ... измешани со „стандардни“ променливи х, у, ... веројатно се мисли дека првите се коефициенти и во решавање на конкретна задача заземаат константни вредности. Види Коефициент.

Поврзано

• бином
• полином
• алгебарски израз
• линеарна функција
• линеарна равенка

Надворешни врски

• Предлошка:Наведена мрежна страница
• Предлошка:Наведена мрежна страница
• Предлошка:Наведена мрежна страница