Рамен агол

Предлошка:Инфокутија Агли Во елементарната геометрија, рамен агол е агол чија ротација е половина кружница. Значи, краците на рамен агол формираат права линија, а темето на рамен агол е точка на правата. Куржниот лак со што се означува рамен агол е полукружница. Внатрешниот дел од рамен агол е половина рамнина.

• Рамен агол има сто и осумдесет степени, односно е еднаков на 180^o.
• Рамен агол има π радијани, односно е еднаков на π.

Рамен агол:   $\alpha =180^{\circ }=\pi \approx 3,1416$

Одлики во елементарна геометрија

• Рамен агол има 180^o. Доказ: Полн агол, т.е. цела кружница има 360°. Рамен агол е половина кружница, односно ½(360°)=180°.
• Конструкција на рамен агол: Се црта права линија која не мора да е хоризонтална. Се означува точка на неа како темето. Со шестар се црта полукружница со центарот во темето од било која страна на правата. Се пиши некоја ознака над лакот како на пример α=180°.
• Ако рамен агол се поделува на два агли со полуправа, тогаш формираните два напоредни агли се суплементни агли.
• Збирот на внатрешните агли на еден триаголник формираат рамен агол (види триаголник).

Стандардна позиција

Во декартов правоаголен координатен систем, аголoт α е во стандардна позиција ако темето е О(0,0), а почетниот крак е позитивниот дел од х-оска. Крајниот крак се добива по ротација за големината на α во насоката спротивен на стрелките на часовникот.

• Крајниот крак на рамен агол во стандардна позиција е негативниот дел од х-оската, односно се наоѓа помеѓу II-иот и III-иот квадрант. Лакот е (било која) полукружница во горниот дел од рамнината со центар во О(0,0), а насоката на лакот почнува на позитивниот дел од x-оската, а завршува на негативниот дел од x-оската.
• Складни агли во степени: 180°=-180°. Доказ: -180°=-180°+360°=180°.
• Складни агли во радијани: π=-π. Доказ: -π=-π+2π=π. (Оваа равенка важи само за агли. Се разбира дека како броеви; π≠-π. Формално, треба да се користи знакот за складност, односно π≅-π.)

Триаголник во единична кружница со агол α=180o е дегенериран триаголник.

Тригонометрија

• Референтниот агол за рамен агол од 180^o е празен агол од 0^o.
• Во тригонометријата, соодветниот триаголник во едничната кружниа со рамен агол е дегенериран правоаголен триаголник. (Дегенериран триаголник е триаголник каде што едната страна има нула должина така да е сплеснат. Автроматско, внатрешните агли на дегенериран триаголник се 90^o, 90^o, и 0^o. Дегенерирани триаголници се наоѓа при празен 0^o, прав 90^o, рамен 180^o, 270^o и полн 360^o агол.)

Кај рамен агол, крајната точка на хипотенузата c е (-1,0). Оваа точка лежи на негативниот дел од х-оската. Значи крајната точка на легната (соседната) страна b e (-1,0), оваа легната страна и хипотенузата се преклопуваат и b=-1. Триаголникот нема висинa, односно спротивната страна a=0. Се разбира дека хипотенузата е полупречник c=1 (види слика).

α	$180^{\circ }=\pi$
sin(α)	$\sin (180^{\circ })=0$
cos(α)	$\cos (180^{\circ })=-1$
tan(α)	$\tan (180^{\circ })=0$

Доказ:  $\sin (180^{\circ })=\frac{a}{c}=\frac{0}{1}=0,\cos (180^{\circ })=\frac{b}{c}=\frac{-1}{1}=-1,\tan (180^{\circ })=\frac{a}{b}=\frac{0}{-1}=0$.

Поврзани теми

• Агол
• Видови агли
• Празен агол, Прав агол, Полн агол
• Суплементни агли
• Тригонометрија

Надворешни врски

• Предлошка:Наведена мрежна страница
• Предлошка:Наведена мрежна страница interactive