Струен делител

Струен делител или делител на струја – едноставно електронско коло кое овозможува да се добие струја пропорционална на друга струја. Колото се состои од паралелни гранки и се анализира со Кирхофовите закони, а особено со законот за јазли.

Општо

Формулата на струјниот делител овозможува да се пресмета јачината на струјата која тече низ отпорник кога истиот е дел од повеќе отпорници врзани во паралела и кога се знае вкупната струја која го напојува овој склоп. Ова коло е пандан на напонскиот делител.

Еднонасочен режим

Коло со две гранки

Пример на струен делител.

Нека имаме едноставен јазол и две гранки со отпорници $R_1$ и $R_2$. Може да се покаже дека, ако со $G_1$ и $G_2$ се обележата кондуктансакондуктансите на двете гранки ($G=1/R$), тогаш јачината на струјата во гранката 1 е дадена со:

$I_1=I\frac{G_1}{G_1+G_2}$

Изведувањето на резултатот може да се направи на следниов начин: нека $U$ е напонот на краевите на $R_1$ и $R_2$. Тогаш:

$I_1=\frac{U}{R_1};I_2=\frac{U}{R_2}$

$I_1+I_2=U*\frac{R_1+R_2}{R_1*R_2}$

нека :

$U=\frac{R_1{R}_2}{R_1+R_2}I$

Така, со замена на U во првата равенка:

$I_1=\frac{1}{R_1}\frac{R_1{R}_2}{R_1+R_2}I$

Се добива резултатот:

$I_1=\frac{R_2}{R_1+R_2}I$

Коло со три гранки

Пример на струен делител

Коло еквивалентно на претходното, сведено на две гранки со еквивалентен отпор од две гранки.

Може да се искористи истата релација:

$I_1=I\frac{G_1}{G_1+G_2+G_3}$

Потоа кондуктансите може да се трансформираат во отпори и се добива:

$I_1=\frac{R_2\cdot R_3}{R_2\cdot R_3+R_1\cdot R_3+R_1\cdot R_2}I$

Синусоиден режим

Истата постапка може да се примени на коло со импедансаимпеданси во паралела, под услов да се замената кондуктансите $G$ со комплексни адмитансаадмитанси $\underset{\_}{Y}$ и да се замената јачините $I$ и $I_2$ со соодветни комплексни броеви $\underset{\_}{I}$ и ${\underset{\_}{I}}_2$. Тогаш резултатите може да се генерализираат на кола кои содржат кондензатори и намотки.

Земајќи го повторно колото со две гранки ${\underset{\_}{I}}_1=\underset{\_}{I}\frac{{\underset{\_}{Y}}_1}{{\underset{\_}{Y}}_1+{\underset{\_}{Y}}_2}$

Изведување:

${\underset{\_}{I}}_1={\underset{\_}{Y}}_1\underset{\_}{U}$

${\underset{\_}{I}}_2={\underset{\_}{Y}}_2\underset{\_}{U}$

$\underset{\_}{I}={\underset{\_}{I}}_1+{\underset{\_}{I}}_2=\underset{\_}{U}({\underset{\_}{Y}}_1+{\underset{\_}{Y}}_2)$

${\underset{\_}{I}}_1=\underset{\_}{U}({\underset{\_}{Y}}_1+{\underset{\_}{Y}}_2)\frac{{\underset{\_}{Y}}_1}{{\underset{\_}{Y}}_1+{\underset{\_}{Y}}_2}=\underset{\_}{I}\frac{{\underset{\_}{Y}}_1}{{\underset{\_}{Y}}_1+{\underset{\_}{Y}}_2}$

Апликација

Некои од нив се наведени подолу:

• Тековно ограничување и заштита
• Технологија и мерење на сензорите
• Дистрибуција на сигнал
• Коло на мостот Витстоун
• Пристрасен напон во кола на транзистор

Поврзано

• Напонски делител
• Кирхофови закони
• Омов закон

Надворешни врски

• Divider Circuits and Kirchhoff's Laws chapter from Lessons In Electric Circuits Vol 1 DC free ebook and Lessons In Electric Circuits series.
• University of Texas: Notes on electronic circuit theory