Термодинамички потенцијали

Предлошка:Без извори Во термодинамиката, термодинамичките потенцијали се параметри вклучени во еден термодинамички систем и кои имаат димензии на енергија. Се нарекуваат потенцијали бидејќи ја опишуваат количината на потенцијална енергија во еден термодинамички систем кога е изложен на некои промени. Различните потенцијали кореспондираат со различните промени на кои може да е изложен системот. Четирите најважни термодинамички потенцијали се:

Име	Формула	Природни променливи
Внатрешна енергија	$U$	$S,V,\{N_i\}$
Хелмхолцова слободна енергија	$A=U-TS$	$T,V,\{N_i\}$
Енталпија	$H=U+PV$	$S,P,\{N_i\}$
Гибсова слободна енергија	$G=U+PV-TS$	$T,P,\{N_i\}$

каде T = температура, S = ентропија, P = притисок, V = волумен. Хелмхолцовата слободна енергија се обележува некогаш и со симболот F, но користењето на A е препорачано од ИУЧПХ (IUPAC). $N_i$ е бројот на честички од тип i во системот. Поради комплетност, групата од сите $N_i$ се вклучува во природните променливи, иако тие се игнорираат понекогаш.