Ударна доза

Ударна доза е првична повисока доза на лек која може да биде дадена на почеток од третманот пред да се намали на доза на одржување.

Примена на ударна доза е најкорисна за лекови кои релативно споро се елиминираат од организмот, т.е. имаат голем системски полуживот. Овие лекови имаат потреба од ниска доза на одржување со цел количината на лек во организмот да остане на терапевтско ниво, но ова исто значи без повисока првична доза, потребно е долго време за количината на лек во организмот да го достигне тоа ниво.

Пресметување на ударна доза

Четири променливи се користат за пресметување на ударната доза:

Cp	= посакуваната плазматска концентрација на лек
Vd	= волумен на дистрибуција на лекот од организмот
F	= биорасположливост
S	= фракција на лек доколку лекот се наоѓа во форма на сол

Потребната ударна доза може да се пресмета со равенката

$\text{Ударна доза}=\frac{C_p{V}_d}{FS}$

За интравенски администриран лек, биорасположливоста F е еднаква на 1, бидејќи лекот директно се внесува во крвотокот. Ако лекот се администрира перорално, биорасположливоста ќе биде помала од 1 (зависи од степенот на апсорпција, метаболизмот на прв премин итн.), поради што ударната доза ќе биде поголема.