Осумаголник

Осумаголник – многуаголник со осум темиња и осум страни.

Правилен осумаголник

Правилниот осумаголник е осумаголник кај кого сите страни се со еднакви должини и сите внатрешни агли се еднакви.

Внатрешните агли на правилен осумаголник имаат по 135° (степени), а збирот на сите внатрешни агли на кој било осумаголник изнесува 1080°.

Плоштината на правилен осумаголник со страна $a$ се пресметува според формулата:

P = 2 a^{2} \cot \frac{π}{8} = 2 (1 + \sqrt{2}) a^{2} ≃ 4, 82843 a^{2}

Ако со $R$ го означиме полупречникот на опишана кржница околу осумаголникот, тогаш неговата плоштина е еднаква на $8 R^{2} / (1 + \sqrt{2})$ .

Ако со $r$ го означиме полупречникот на впишана кружница во осумаголникот, плоштината е еднаква на $8 r^{2} / (11 + 9 \sqrt{2})$ .

Периметарот на осумаголник чија страна е со должина $a$ е еднаков на $8 a$ .

Конструкција

Правилен осумаголник може да се конструира со помош на линијар и шестар. Постапката е илустрирана во 18 чекори, од седмиот до десеттиот чекор отворот на шестарот не се менува.

Неправилни осумаголници

Секој осумаголник кој не е правилен се нарекува неправилен.

Неправилен осумаголник
Вдлабнат осумаголник
Комплексен осумаголник

Каде може да се види осумаголник

Осумаголник во градежништвото

Кула на ветровите во Атина од 50 година п.н.е.
Купола на стени, џамија од 691 година, Ерусалим, денешен Израел.
Тврдината Дел Монте од 1242 година, Италија. На ќошовите на тврдината се наоѓаат осум осумаголни кули.
Чешма на Тереазије од 1860 година, Белград, Србија.
Православна црква Св. Ѓорѓи од 1896 година, во Адис Абеба, Етиопија